Славчо Попски со детали какво време ќе имаме викендов
Објавено во: Македонија 17 Јуни, 2022
Meтеорологот Славчо Попоски вели дека за време на викендот, како и во почетокот од следната недела времето во Македонија ќе биде претежно стабилно, суво и сончево со мала до умерена локална облачност. Исклучок ќе биде утрешниот ден кога во попладневните часови не се исклучува можноста за краткотраен локален пороен дожд и грмежи, и тоа особено во планинските предели.
„Утре ќе дува и умерен, повремено засилен ветер од северен правец. Што се однесува до температурите, тие во следните денови ќе се искачуваат во интервалот од 24 до 33 степени. И во Скопје и околината за време на викендот, како и во почетокот од следната недела времето ќе биде претежно стабилно , суво и сончево со мала локална облачност. Утре ќе дува и умерен, повремено засилен ветер од северен правец“, вели Попоски.
Температурите пак ќе се искачуваат во интервалот помеѓу 28 и 31 степен.