СЛУШНАЛЕ ЛИ ЗА МЕРКИТЕ ЗА ЗАШТИТА ОД КОВИД - дури 29 млади се приведени, фатени се како прават забава во Волково
Објавено во: Македонија 27 Декември, 2020
Синоќа пред полноќ во викендица во скопско Волково, полицијата по претходно добиени оперативни сознанија дека се одржува приватна забава, ги лишиле од слобода Б.К.(24), сопственик на викендицата, и уште 28 лица, меѓу кои и ди џејот (35) од Скопје.
Тие се сомничат дека сториле кривично дело „Непостапување според здравствените прописи за време на епидемија“.
„На
26.12.2020 во 23,20 часот во викендица во с.Волково,скопско, по претходно
добиени оперативни сознанија дека се одржува приватна забава со повеќе лица, а
по наредба од јавен обвинител, полициски службеници од СВР Скопје ги лишиле од
слобода Б.К.(24),сопственик на викендицата и уште 28 лица, меѓу кои и ди џејот
(35) од Скопје, поради постоење основано сомнение дека сториле кривично дело
„Непостапување според здравствените прописи за време на епидемија„ казниво по
чл.206 од Кривичниот законик При претрес кај ди џејот била пронајдена и
прашкаста материја.
По документирање на случајот ќе бидат поднесени соодветни поднесоци“, се вели во соопштението од полицијата.