СОПИШТЕ: 800 далечински модули ќе ја исчитуваат потрошената вода на домаќинствата

Добивај вести на Viber

Конечно се решава водоснабдувањето во една од најеколошките  општини во земјава.

Денеска беа поставувани  далечински модули кои значајно ќе им ја олеснат работата на инкасаторите.

Со нив ќе се овозможи брзо читање на состојбата на водомерот без директен контакт на инкасаторите со потрошувачите а далечинските модули се поврзани со блутут.

Надлежните велат дека на овој начин ќе се стабилизира водоснабдувањето.

2, 2 милиони евра е планирано да чини изведбата на водовод во Сопиште а со проектот треба да се зафатат водите на Патишка река, но и да се изведе цевковод во должина од 22 километри што ќе ја носи водата до населените места. Покрај за обезбедување на питка вода за пиење на постоечките села, новиот систем за снабдување со вода треба да се искористи и за приклучување на елитната населба Сончев град.

Општина Сопиште ја избра фирмата „Бауер БГ“ од Скопје за изградба долгонајавуваниот систем за снабдување со вода за пиење за населените места на територијата на оваа општина. Реализацијата на регионалниот водовод Патишка река ќе се одвива во временски период од 18 месеци. Според податоците објавени на веб-страницата на Бирото за јавни набавки, изведбата на водоводната мрежа ќе чини 140.335.956 денари, или околу 2,2 милиони евра. Изведувачот на работите е избран врз основа на селекцијата помеѓу осум градежни компании кои доставиле свои понуди на распишаниот тендер.