СПАСОВСКИ ПРЕДУПРЕДУВА: БИЛО ДА Е СОПСТВЕНИК НА ВИЛА, КУЌА ИЛИ ГРАЃАНИН КОЈ УЧЕСТВУВА ВО ГРУПИРАЊА - ќе заработи кривична пријава

Добивај вести на Viber

За Нова Година, но и за другите празници, ќе има засилени контроли по викендиците, становите и апартманите, и никој нема да биде изземен од одговорност доколку организира журки и забави со групирања.

Ова го изјави министерот за внатрешни работи Оливер Спасовски.

Според него, ваквите дејствија подлежат на кривична одговорност за загрозување на здравјето и безбедноста на граѓаните. 

„Имаме акционен план кој ќе го спроведеме во текот на празниците, за Нова година, за Божиќ секој ден ќе има контроли со цел растурање на забави како она што се случи онаа синоќа во Волково. Таков настан имавме и во Куманово растуривме семејна веселба, така и ќе продолжиме. Уште еднаш апелираме, да прославуваме одговорно, да го сочуваме здравјето на граѓаните. Еве имаме тенденција на намалување на ширењето на вирусот, затоа да бидеме дома за празниците, да бидеме безбедни. Секој кој нема да почитува, било тоа да е сопственик на вила, куќа или граѓани кои учествуваат во тие настани на сите ќе им бидат поднесени кривични пријави за нарушување на здравјето на граѓаните. Ова е оперативен план, го разработуваат полициските служби и согласно него секаде и во секое време, имаме екипи и тие се подготвени да излезат на терен по секоја дојава, сознание или пријава. Откако ќе се констатира одговорност полицијата го известува Јавниот обвинител и тој постапува согласно законските прописи“, рече Спасовски.