Спасовски уверува дека ќе се среди проблемот со корупцијата

Добивај вести на Viber

Неказнивоста на организираниот криминал и корупцијата се едни од главните забелешки во Извештајот на американскиот Стејт департмент за Македонија. Ова тесно се поврзува  со државниот буџет, кажа министерот за внатрешни работи, Оливер Спасовски.

Тој побара  максимална одговорност за начинот на трошење на јавните пари, 

 Спасовски уверува дека внимателно ги проследиле сите забелешки за реформите во секторот за безбедност и дека презеле конкретни мерки, во согласност со законот. Според него, строгите контроли биле зголемени и во МВР, но како што вели, не само поради Извештајот на Стејт департментот и на Европската комисија, туку и поради приоритетните реформи во областа на безбедноста, со што ја засилиле работата на полицијата против организираниот криминал и корупцијата.

Во Извештајот се вели дека Владата презела мали чекори за спроведување истрага, да поведе судски постапки и да ги казни извршителите на делата. Но, според забелешките, правосудниот систем видливо заостанал, каде случаите што ги покренало СЈО се ставаат како приоритет, додека другите остануваат во сенка.