Добивај вести на Viber
„Имајќи ги во предвид новите односи и околности меѓу Косово и Србија, само прашање на време е кога ќе се отворат портите, бидејќи и досега се прави трговија преку мала врата. Значи, ќе се отворат портите и бизнисот ќе се реализира таму каде што бил некогаш.
Ние од Македонија нашите бизниси ги добивме од губењето на позициите на српскиот бизнис на Косово и ние тоа го компензираме со некои производи кои се произведуваат во нашава земја, а можеби и со производи увезени од Србија, кои потоа се продавани на Косово“, вели Мендерес Кучи, Стопанска комора на северозапдна Македонија, во изјава за Алсат-М.
Пазарите тешко се освојуваат, но јасно е со какви мерки може да се изгубат. А Кучи смета дека заштитата на домашниот пазар на брашно е неекономска мерка која ги предзивика проблемите.
„Кога се знае дека на светската берза пченицата се купуваше за 8 денари, а нашите бизнисмени беа принудени да купуваат по 15 денари. Ова сама по себе зборува доста. Потоа да се дозволи увоз на брашно и пченица, а производителите на брашно беа во нееднаква положба и неконкурентни“, изјави Кучи за АЛСАТ-М.