Средба Божиновска-Пјат на маргините на конференцијата за чиста и безбедна енергија во Истанбул, Турција
Објавено во: Економија 10 Октомври, 2024
На маргините на Конференцијата за чиста и безбедна енергија, организирана од америкаснкиот Атлантски совет, денес, во Истанбул, министерката за енергетика, рударство и минерални суровини на Македонија, Сања Божиновска, оствари средба со Џефри Пјат, помошник државен секретар за енергетски ресурси во Стејт Департментот.
На средбата, министерката Божиновска и помошник државниот секретар Пјат разговараа за гасните интерконектори со Грција и Србија како клучни стратешки проекти за обезбедување стабилна енергетска иднина за нашата држава и регионот.
Овие проекти се од суштинско значење за диверзификација на изворите на енергија и зголемување на енергетската независност на земјата.
"Гасните конектори со соседите се од огромно значење за нашата енергетска стратегија. Тие не само што ќе ја зголемат нашата сигурност во снабдувањето, туку и ќе ја подобрат нашата конкурентност на пазарот", истакна министерката Божиновска.
Исто така, на средбата беше дискутирано и за стратешката соработка со САД во областа на енергетиката, при што министерката ја акцентираше важноста на американската поддршка во развојот на проекти за обновливи извори на енергија и технологија за енергетска ефикасност, но и важноста од споделување искуства со САД во делот на борбата со корупцијата во доментот на енергетиката.
"Нашата соработка со САД е од клучно значење за имплементацијата на иновациите во енергетскиот сектор. Заедно можеме да создадеме одржливи решенија кои ќе придонесат за развојот на регионот", додаде таа.
На крајот, министерката Божиновска и помошник државниот секретар Пјат разговараа за идната соработка и регионалните иницијативи, нагласувајќи ја потребата за продолжување на дијалогот и партнерството меѓу државите во областа на енергетиката.
Можеби ќе ве интересира
ОТПОВИКАНИ ДВАЈЦА ЧЛЕНОВИ НА НАДЗОРНИОТ ОДБОР НА М-НАВ - на нивно место дојдоа Горан Јандреоски и Милорад Милановиќ
ФИРМИТЕ НЕКА ДАДАТ КОНКРЕТНИ ИМИЊА КОМУ МУ ДОЦНИ ПОВРАТОТ НА ДДВ - првата финансиерка вели дека редовните плаќачи навреме си ги добиле средствата
Димитриоска-Кочоска: Нема пари за ЕСМ, ќе се задолжува кај комерцијални банки
ДЕНЕСКА ИМ ЛЕГНУВААТ ПАРИ НА НАЈГОЛЕМАТА ГРУПА ПЕНЗИОНЕРИ ВО СРБИЈА - еве кому ќе му се наполнат паричниците, а исплати ќе има и утре
„ЌЕ МОЖАМ ЛИ ДА СИ ГО ПЛАТАМ СТАНОТ“, СТРАВОВИТЕ ОД ПОСКАПУВАЊЕ ГИ ПАРАЛИЗИРААТ ГЕРМАНЦИТЕ - но еве и што друго ги вознемирува
МОРА ДА ЈА ПЛАТИ КАЗНАТА КОЈА ДОСТИГНУВА 2,4 МИЛИЈАРДИ ЕВРА: Гугл го загуби спорот против ЕУ
Започнува издавањето на гаранции, македонскиот бизнис ќе плаќа скапи царини за извоз ако ги нема
Големата метла наскоро во ГТЦ! Кому му се стемни, а на кого ќе му се раздени?
ОВОЈ ЈУГОСЛОВЕНСКИ ГИГАНТ НЕ СЕ ДАВА: Прогласи стечај, па продолжи да работи
