Средношколски пленум бара јавна дебата со Унијата на средношколци

Добивај вести на Viber

После вчерашниот масовен протест на кој маршираа средношколците против новиот концепт на државната матура , Средношколскиот пленум изразува желба за соочување со средношколската унија на јавна дебата преку која претставниците на овие две структури ќе ги соочат своите ставови и аргументи, и отворено ќе дискутираат за своите барања.

„Средношколскиот пленум е автохтоно, и автономно движење кое се бори, и ќе се бори за правата на сите средношколци, без разлика на нивната партиска, верска, и друга лична определба. Сметаме дека е несериозно да се нафрлуваат обвинувања за нелегитимност од страна на организација за која ниту нејзините претставници не се свесни дека е формално-правно неактивна“, велат од овој пленум.

Тие побараа доколку  средношколската унија  се смета за легитимен претставник кој ги штити правата на средношколците, во рок од 24 часа да се изјасни по оваа покана за јавна дебата.

Со маски на лице (нели 1 април е денеска), свирчиња во уста, транспаренти во раце вчера средношколците гордо и исправено чекореа кажувајќи ги на цел глас аргументите зошто не сакаат математика да биде задолжителна за сите и упатија последна опомена до министерот Адеми да ги повлече новите Законски измени онака како што бара Средношколскиот пленум а не Унијата на средношколци.

Освен укинување на математиката како задолжителен предмет на матурата, средношколците бараат укинување на екстерното тестирање, враќање на стариот концепт за полагање државна матура, и отфрлување на електронското тестирање.

Средношколсиот пленум децидно се изјаснува дека се оградува од одлуката на МОН, нејзините барања и следствено, од донесеното решение на состанокот со МОН. Велат дека нема да подлегнат на никакви притисоци и ниски манипулации и ќе продолжат со борбата за подобро образование. „