СТИГНА ОБЈАСНУВАЊЕ: Kaква улога би имале француските војници во Украина?
Објавено во: Свет 27 Февруари, 2024
Француските трупи би можеле да имаат неборбена улога во Украина.
Францускиот министер за надворешни работи Стефан Сежурне денеска изјави дека француските трупи би можеле да имаат неборбена улога во Украина, помагајќи во деминирање, кибер одбрана и производство на оружје. Сежурне им рече на пратениците дека мора да се разгледаат нови акции за поддршка на Западот за Украина.
„Некои од тие акции би можеле да бараат присуство на украинска територија, без преминување на прагот на борба. Ништо не треба да се исклучи“, рече Сежурне.
Тој нагласи дека тоа е став и на францускиот претседател Емануел Макрон. Вчера Макрон не ја отфрли можноста европските нации да испратат војници во Украина. Изјавата на Макрон предизвика низа одговори од сојузниците кои најавија дека немаат намера да испраќаат војници во Украина. Повеќе земји се изјаснија дека не планираат да пратат свои војници во Украина. Руската инвазија на Украина почна пред две години.