Стопанска банка Битола отвори нова експозитура во Кавадарци

Добивај вести на Viber

Стопанска банка Битола ја отвори својата експозитура на улица 7-ми Септември бр. 13 во центарот на Кавадараци. Како дел од деловната стратегија, а во насока на зајакнување на сопствените позиции на пазарот, Стопанска банка ад Битола продолжува со ширењето на деловната мрежа низ Македонија. Целта на менаџментот на Стопанска банка Битола е преку оваа нова инвестиција уште повеќе да се доближи до потенцијалните клиенти од овој регион и на тој начин да им ги направи услугите и производите кои банката ги продава подостапни на правните и на физичките лица од Кавадарци и кавадаречко, појаснуваат од Банката. Со веќе ново воведените понуди на услуги Банката ги подобри како квантитативно така и квалитативно перформансите од своето работење за што зборуваат и финансиските извештаи за 2013 година. Отворањето на оваа експозитура, само го потврдува цврстото позиционирање на Стопанска банка ад Битола на пазарот. Деловната мрежа на Стопанска банка ад Битола веќе брои 16 експозитури низ градовите ширум Македонија.