04 Април, 2020
0.0280

СТРАНЦИТЕ ГО НАРЕКУВААТ „СВЕТСКО ЧУДО“: Етнолошкиот музеј во Џепчиште го посетиле 40.000 луѓе

Објавено во: Македонија 24 Февруари, 2020

Постои 30 години, располага со 2.000 експонати, а досега го посетиле 40.000 луѓе од земјава и странство.

Најмалиот етнолошки музеј на светот од само неколку квадрати се наоѓа во селото Џепчиште, на 5 км северозападно од Тетово, и е во сопственост на Симеон Златев Моне. Тој отсекогаш ја сакал етнологијата, но по професија е архитект. Вели дека експонатите ги собирал тој, неговото семејство, семејството на неговата сопруга, дел купувал, а дел се обезбедени по пат на донации.

„Во музејот има носии, керамика, бакарни садови, карти за здравици, накит, ламби, оружје, 10.000 значки, 50 плакети и друго. Доаѓале луѓе од секаде, од соседството, од Америка, Австралија, Кина, Јапонија, Турција, Шпанија, Италија. Странците се навистина воодушевени, велат дека ова е светско чудо. Од Македонија доаѓале луѓето од трето доба, ученици на екскурзии, поединци, а го посети и претседателот на државата, Стево Пендаровски“, раскажува Златев.

Вели дека има експонати кои датираат од Отоманскиот период, но и многу постари, а има и предмети кои се од времето на Тито. Смета дека најстара е грутката од лава од 15 сантиметри која потекнува од Кратово.

„Луѓето кои доаѓаат се воодушевуваат на таа убавина, и се чудат како е можно сето тоа да се собере на едно место“, додава Златев.

Специфично за овој музеј  е тоа што влезот е бесплатен. Златев вели дека во лето повеќе време поминува во својата викендичка во Џепчиште, а во останатиот период од годината, посетите се реализираат по претходна најава.

Тој веќе изработил знаме за својот етно музеј, а вели дека во план е да напише и химна.

Златев конкурирал за Гинис со својот музеј, кој е мал по површина, а има огромен број предмети,  но оттаму не добил одговор.

Вели дека сака да постави рекорд, кој се надева дека ќе биде мотив за другите, да се занимаваат со ваква работа.

Музејот бил испирација луѓе за него да подгтвуваат магистерски труд и докторски дисертации.

Сања Атанасовска

Можеби ќе ве интересира

Уште седум ново инфицирани со Ковид-19 во Куманово

Уште седум ново инфицирани со Ковид-19 во Куманово

Мобилна апликација за следење на информациите со КОВИД-19

Мобилна апликација за следење на информациите со КОВИД-19

Статистика на Чулев за (не)почитување на мерките

Статистика на Чулев за (не)почитување на мерките

Вријат таборите: Кој е заслужен за помошта од Словенија - Мицкоски или Владата

Вријат таборите: Кој е заслужен за помошта од Словенија - Мицкоски или Владата

Полициски час: Приведени 28 лица

Полициски час: Приведени 28 лица

ДЕЦА ВНИМАВАЈТЕ: Далечинското учење е задолжително

ДЕЦА ВНИМАВАЈТЕ: Далечинското учење е задолжително

ВАЖНО: Психолошка поддршка по телефон

ВАЖНО: Психолошка поддршка по телефон

Филипче: Чувајте се колеги!

Филипче: Чувајте се колеги!

Карантински викенд за кумановци

Карантински викенд за кумановци