Талат Џафери: 150 закони останаа недонесени
Објавено во: Македонија 17 Февруари, 2020
Талат Џафери, последниот претседател на Собранието, рече дека 150 закони останале недонесени до вчерашното распуштање на Законодавниот дом пред парламентарните избори на 12 април.
- Станува збор за 150 предлог-закони, некои во прво читање, некои во второ читање, а има и такви кои се разгледуваа по скратена постапкја. Бројката сега засега е 150, но треба да се потврди, рече Џафери на денешната прес-конференција, откако вчера за последен пат во изминатиот мандат го водеше парламентот како спикер.
Џафери додаде дека немало неправилности при вчерашното изгласување на Законот за Совет на јавни обивинители.
- Основниот закон е донесен без Бадентер, така е донесена и измената. Нема два листинга, рече тој.
Според опозицијата, тој закон не е донесен бидејќи не бил гласан по Бадинтерово мнозинство.