ТЕЛОТО НА НАВАЛНИ НЕМА ДА БИДЕ ПРЕДАДЕНО УШТЕ 14 ДЕНА: „Чекаат да исчезнат трагите од нервниот отров Новичок“

Добивај вести на Viber

Телото на Алексеј Навални нема да биде предадено на неговото семејство уште најмалку 14 дена, изјави портпаролката на Навални, Кира Јармиш во објава на Твитер.

Неговото тело ќе биде под „некаков хемиски преглед“ во тој период, додаде таа.

Неговата сопруга Јулија во видео порака изјави дека ќе ја продолжи работата на својот сопруг и ќе се бори за слободна Русија.

„Сакам да живеам во слободна Русија, сакам да изградам слободна Русија“, рече таа во видео пораката со наслов:

„Ќе ја продолжам работата на Алексеј Навални.

„Путин го уби таткото на моите деца, Путин го украде највредното нешто што го имав, најблиската и најомилената личност. Но Путин ви го украде Навални. Некаде во колонија на север зад Арктичкиот круг во вечна зима, Путин не само ја уби само личноста на Алексеј Навални, тој заедно со него сакаше да ја убие нашата надеж, нашата слобода, нашата иднина. Сакаше да го уништи најдобриот доказ дека Русија може да биде поинаква, дека сме силни и храбри, дека веруваме и се бориме очајно и за да се живее поинаку“, рече таа.

Я буду продолжать дело Алексея Навального. Продолжать бороться за нашу с вами страну. И я призываю вас встать рядом со мной. pic.twitter.com/aBOIvcYHHk

— Yulia Navalnaya (@yulia_navalnaya) February 19, 2024

Таа рече дека нивниот тим знае зошто токму Путин го убил Навални и дека наскоро ќе откријат се.

Кремљ негираше вмешаност во неговата смрт, но Јулија ги обвинува руските власти дека го кријат неговото тело и чекаат да исчезнат трагите од нервниот агенс Новичок. Сојузниците на Навални знаат зошто нејзиниот сопруг е убиен и наскоро ќе ги откријат деталите, вклучително и имињата на оние кои се вклучени во неговото убиство, рече таа.

Руските истражители сè уште не ја утврдиле причината за смртта на Алексеј Навални, ниту е јасно колку време ќе биде потребно за да се донесат официјални заклучоци, изјави денеска неговата мајка. Навални, 47-годишен поранешен адвокат, колабирал и починал во петокот по прошетката во казнената колонија на „Поларен волк“ во Харпа, на околу 1.900 километри североисточно од Москва, каде што издржуваше 30-годишна казна, соопшти затворската служба.