Тетовчанец се фотографирал со рачни гранати, жители го испорачале кај полицијата
Објавено во: Македонија 26 Октомври, 2024
Основното јавно обвинителство Тетово отвори постапка против жител на Мала Речица кој неовластено држел рачни гранати.
Две рачни бомби – кашикари ги снимил и фотографирал со својот мобилен телефон, како ги држи во рака. На телефонот имал и означена локација во селото Доброште.
На влезот од селото селаните веднаш го забележале како сомнително непознато лице, му го попречиле патот, го пријавиле во полиција, по што бил лишен од слобода.
„Истрагата е поведена за кривично дело – Неовластено изработување, држење, посредување и тргување со оружје и експлозивни материи од член 396 став 5 во врска со став 3 од Кривичниот законик, а јавниот обвинител предложи на осомничениот да му биде определена мерка притвор“, соопшти ОЈО Тетово.