ТЕВДОВСКИ ВО ВАШИНГТОН ГО РАЗВИОРИ МАКЕДОНСКОТО ЗНАМЕ - ексминистерот не ги напушта спортските активности
Објавено во: Македонија 21 Мај, 2022
Додека другите поранешни министри за финансии вчера беа кај првиот финансиер Фатмир Бесими на консултации за ребалансот, поранешниот министер за финансии од Владата на Зоран Заев Драган Тевдовски е во Вашингтон.
Таму, покрај со работата, се занимава и со физички активности, како што впрочем беше активен и во земјава, но не заборава и на патриотизмот и на македонското знаме, кое го развиори на стадионот.
„За првпат на Спартанска трка: Nationals Park Spartan Stadion. Многу убаво чувство на крајот бидејќи не е лесна: 5 километри качување и симнување по скали со 20 препреки на патеката, ѕидови, карики, носење на терет, качување на јаже… и пак качување по скали, по сите трибини на стадионот
Единствена можност за одмор се ретките рамни делчиња за трчање.
Одлична организација на многу убав стадион во Вашингтон. И најважното, многу убава енергија од учесниците, со солидарност и поддршка на секој чекор“, пишува Тевдовски на фејсбук објавувајќи и фотографија, на која тој е сликан на стадионот со македонското знаме.