„ТОА ЌЕ БИДЕ ГОЛЕМА ГРЕШКА“: Путин му се закани на непријателот на Ким Џонг Ун, бура во светот поради договорот со Северна Кореја!

Добивај вести на Viber

Рускиот претседател Владимир Путин ја предупреди Јужна Кореја дека ќе направи „голема грешка“ доколку ја вооружи Украина во војна против Русија.

Неговите коментари доаѓаат откако Сеул рече дека ја разгледува таквата можност, како одговор на новиот договор меѓу Русија и Северна Кореја за взаемна помош во случај на „агресија“ врз која било земја.

„Москва ќе донесе одлуки кои веројатно нема да му се допаднат на сегашното раководство на Јужна Кореја доколку Сеул одлучи да му испорача оружје на Киев“, изјави Путин за новинарите.

Рускиот лидер зборуваше во Виетнам, непосредно по раскошната посета на Пјонгјанг, каде што потпиша договор за заемна одбрана со севернокорејскиот лидер Ким Џонг Ун. Сеул претходно го осуди договорот како закана за националната безбедност, а советникот за национална безбедност Чанг Хо-Џин рече дека неговата земја планира „да го преиспита прашањето за поддршка на Украина со оружје“.

Заострување по договорот меѓу Русија и Северна Кореја

По изјавите на Путин, од кабинетот на јужнокорејскиот претседател во петокот објавија дека ќе разгледаат „разни опции“ за снабдување на Украина со оружје и дека нивната позиција ќе зависи од тоа како Русија ќе пристапи кон ова прашање. Властите, исто така, планираат да го повикаат рускиот амбасадор во Јужна Кореја за да поднесе официјален протест, објави новинската агенција Јонхап, повикувајќи се на неименувани дипломатски извори.

Иако Јужна Кореја обезбеди хуманитарна помош и воена опрема за Украина, таа досега одбиваше да обезбеди смртоносно оружје поради нејзината официјална политика да не ги вооружува земјите во војна. Некои во Украина се надеваа дека зголемувањето на воената соработка меѓу Москва и Пјонгјанг ќе го принуди Сеул да го преиспита својот пристап. Аналитичарите претходно изјавија дека Киев ќе ја искористи посетата на Путин на Пјонгјанг за да го зголеми притисокот.

За време на посетата, Ким Јонг Ун, исто така, вети „целосна поддршка“ за руската инвазија на Украина. Се зголемуваат доказите дека Русија веќе користи севернокорејски ракети во Украина.