25 Јули, 2024
0.0242

ТОНИ СТОЈАНОВСКИ ПОДНЕСЕ ОСТАВКА ОД ФУНКЦИЈАТА ЧЛЕН НА УО НА СТОПАНСКА БАНКА СКОПЈЕ - заминува на челната позиција на НЛБ Банка?

Објавено во: Финансии 03 Јуни, 2024

Добивај вести на Viber

Стопанска банка Скопје практично ја објави информацијата што денеска ја објави Фактор, а тоа е дека во таа банка се случија промени во Управниот одбор, кои се рефлектираа и во друга голема банка во земјава.

Односно, Стопанска банка Скопје објави дека Тони Стојановски, член на Управниот одбор на таа банка и генерален директор за корпоративно банкарство, поднесе оставка од таа позиција. 

„Известуваме за следниве измени во органите на управување: Врз основа на член 33 од Правилата за котација на Македонска берза на хартии од вредност АД Скопје, Стопанска банка АД – Скопје известува дека на ден 03 јуни 2024 година г. Тони Стојановски поднесе оставка од позицијата член на Управен одбор и Генерален директор за корпоративно банкарство на Стопанска банка АД – Скопје“, се вели во објавата која доцна попладнево пристигна до Берзата од нашата најстара и една од најголемите банкарски институции во земјава.

А, според сознанија на Фактор, Тони Стојановски ќе замине во друга голема банка во земјава, и според нашите информации, тоа е НЛБ Банка, каде ќе ја преземе функцијата прв човек на банката. 

На таа позиција, односно претседател на УО и главен извршен директор е Бранко Грегановиќ, а според наши информации, тој би заминал на некоја друга позиција во рамките на НЛБ групацијата, која е раширена и има поголем број на филијали во регионот.

Оваа информација, дека Стојановски заминува во НЛБ Банка, сеуште не е потврдена од НЛБ банка, а се очекува тоа банката да го стори преку ценовно чувствителна информација која би ја објавила на Берзата. 

Тони Стојановски е еден од најискусните банкари во земјава. Тој долги години има работено и во Народна банка на Македонија, а потоа долги години беше на челните менаџерски позиции во Стопанска банка Скопје.

Фактор веќе објави дека ќе се менува Статутот на најстарата и една од најголемите банки во земјава, Стопанска банка Скопје.

Наместо четворица, Управниот одбор на оваа банка ќе брои седум членови.

Тоа е одлука која била усвоена на акционерското Собрание кое се одржа во петокот минатата недела, а која банката ја објави за инвеститорската јавност преку Македонската берза за долгорочни хартии од вредност.

Всушност, акционерите усвоиле статутарна одлука за изменување на Статутот на Стопанска банка Скопје, според која се менува членот 43, и отсега па натаму тој ќе гласи дека „Управниот одбор на Стопанска банка Скопје се состои од седум члена и тоа првиот е генерален извршен директор на банката и претседател на Управниот одбор, како и шест генерални директори, односно генерален директор за корпоративно банкарство, генерален директор за управување со ризици, генерален директор за банкарство на мало, генералкен директор за финансии, генерален директор за оперативни работи и генерален директор за трансформација и стратегија“.

Објавивме и дека нашите сознанија говорат дека овие промени во оваа наша најстара и една од најголемите банки во земјава, би можела да предизвика промени и во Управниот одбор на една друга голема банка во земјава, но засега тие информации се во зоната на шпекулациите и не се официјално објавени од двете банкарски институции.

Н.Н.Ф.

Можеби ќе ве интересира

СИНОХИДРО ЌЕ ЈА ПОВЛЕЧЕ АРБИТРАЖАТА - Владата тврди дека ќе бидат заштедени 50 милиони евра

СИНОХИДРО ЌЕ ЈА ПОВЛЕЧЕ АРБИТРАЖАТА - Владата тврди дека ќе бидат заштедени 50 милиони евра

МНОГУМИНА СЕ НАДЕВАА, НО НБМ ДЕНЕСКА НЕ ЈА НАМАЛИ КАМАТАТА - мора да се стабилизира инфлацијата, има уште ризици

МНОГУМИНА СЕ НАДЕВАА, НО НБМ ДЕНЕСКА НЕ ЈА НАМАЛИ КАМАТАТА - мора да се стабилизира инфлацијата, има уште ризици

ДАНОЧНО ЗАТАЈУВАЊЕ? Запленети 120 милиони евра од Амазон во Италија

ДАНОЧНО ЗАТАЈУВАЊЕ? Запленети 120 милиони евра од Амазон во Италија

СОБРА РЕКОРДНО МНОГУ ПАРИ, ПОВЕЌЕ ОД БАЈДЕН И ТРАМП: Еве како помина првиот ден од кампањата на Камала Харис

СОБРА РЕКОРДНО МНОГУ ПАРИ, ПОВЕЌЕ ОД БАЈДЕН И ТРАМП: Еве како помина првиот ден од кампањата на Камала Харис

КОМПЈУТЕРЏИИТЕ ГО ЗГОЛЕМУВААТ ПРОСЕКОТ НА ПЛАТИТЕ – убедливо со најголеми приходи, еве во кои сектори се највисоките и најниските примања во Македонија

КОМПЈУТЕРЏИИТЕ ГО ЗГОЛЕМУВААТ ПРОСЕКОТ НА ПЛАТИТЕ – убедливо со најголеми приходи, еве во кои сектори се највисоките и најниските примања во Македонија

КОЈ СЕГА ЌЕ ЈА ПЛАТИ ШТЕТАТА? Crowdstrike го застана целиот свет, ја призна вината, но дали е тоа е доволно?

КОЈ СЕГА ЌЕ ЈА ПЛАТИ ШТЕТАТА? Crowdstrike го застана целиот свет, ја призна вината, но дали е тоа е доволно?

ОБРАЗОВАНИЕ И УМЕТНОСТ СО НАЈГОЛЕМ РАСТ НА ПЛАТАТА - просекот надминува 40 илјади денари

ОБРАЗОВАНИЕ И УМЕТНОСТ СО НАЈГОЛЕМ РАСТ НА ПЛАТАТА - просекот надминува 40 илјади денари

ДУРИ 45 ГОДИНИ СТАЖ ЗА ПЕНЗИЈА ОД САМО 1.200 ЕВРА: Зошто пензиите се ниски во Германија?

ДУРИ 45 ГОДИНИ СТАЖ ЗА ПЕНЗИЈА ОД САМО 1.200 ЕВРА: Зошто пензиите се ниски во Германија?

ДОНЕСУВААТ ДОБРА ЗАРАБОТКА: Кои се најпопуларните сезонски работни места?

ДОНЕСУВААТ ДОБРА ЗАРАБОТКА: Кои се најпопуларните сезонски работни места?