19 Јули, 2024
0.0296

ТОП ДИВИДЕНДА ЗА АТРАКТИВНИ АКЦИИ - преку блок трансакција поминаа акции на НЛБ Банка за 43 илјади евра

Објавено во: Финансии 06 Јуни, 2023

Добивај вести на Viber

Сумата можеби не беше голема, но факт е дека некој реши одеднаш да плати 43 илјади евра за акции на НЛБ Банка.

На берзанска блок трансакција беа продадени и купени 92 акции на една од нашите најголеми и најуспешни банки во земјава, НЛБ Банка, по цена од 28.750 денари за акција, или беше платена вкупна сума од 43 илјади евра.

Ова е само многу ситен процент од вкупната акционерска структура на НЛБ Банка, или преку блок трансакцијата биле истргувани 0,01 отсто од бкупниот број акции на НЛБ Банка, кои се 854.061 на број.

Ако се погледне по која цена вчера се продавале акциите на НЛБ Банка, може да се забележи дека таа на вчерашното редовно тргување изнесувала 28.674 денари за акција просечно, што значи дека блок трансакцијата поминала по речиси иста цена за акција како и на редовното тргување, односно по само малку повисока цена од класичното тргување. Вчера на редовното тргување, пак, се продала многу поголема количина од блок трансакцијата, оносно 325 акции.

Додека, пак, убедливо најголема количина во еден ден е истргувана во четвртокот, последниот работен ден од минатата недела, кога биле продадени и купени 575 акции на НЛБ Банка, а цента бил 28.768 денари за акција, или незначително повисока од вчерашната блок трансакција.

Највисока цена, пак, акциите на НЛБ имале на 3 мај, и тоа 32.226 денари просечна цена за акција на редовното тргување. Тоа всушност се поклопува со 2 мај, односно е ден претходно откако НЛБ Банка објави дека нето дивидендата по акција изнесува 2.188 денари. Тогаш сме прогнозирале дека овој износ на дивиденда и принос ќе доведе до пораст на цената на акцијата на НЛБ Банка.

Инаку, пред неколку дена и Собранието на акционери ја потврди одлуката за исплата на дивиденда.

Акционерите на НЛБ Банка ќе добијат вкупна дивиденда од 33,8 милиони евра, што се добива ако се собере предвидениот износ за дивиденда од 27,7 милиони евра од ланската добивка, како и 6,1 милиони евра од акумулираната добивка од 2021 година.

Во моментов доминантен и единствен сопственик кој поседува над 5 отсто од акциите во НЛБ Банка е Нова Љубљанска банка АД Љубљана, која поседува 86,97 отсто од акциите во НЛБ Банка.

Тоа значи дека кај словенечката банка која е мајка на нашата НЛБ Банка, во форма на дивиденда ќе завршат 29,4 милиони евра во форма на дивидена.

Покрај главниот акционер од Љубљана, во НЛБ Банка има и многу домашни физички и правни лица кои се акционери, и тоа 123 домашни правни лица, односно фирми или банки, кои поседуваат вкупно 30.324 акции или 3,55 отсто, како и 906 домашни физички лица, кои располагаат вкупно со 77.178 акции или 9,04 отсто.

И странски физички лица кои се 17 на број поседуваат акции од НЛБ Банка, и преку нив држат 0,2 отсто од капиталот.

А покрај Нова Љубљанска, уште пет други странски правни лица имаат акциии во НЛБ, но и нивниот сопственички процент е ситен.

Исплатата на дивидендата ќе почне 30 ден по одржувањето на Собранието на акционери.

Н.Н.Ф.

Можеби ќе ве интересира

ЕВЕ КОЛКАВА Е ПРОСЕЧНА НЕТО ПЛАТА ВО ХРВАТСКА: Објавено и кој има најголем, а кој најмал приход

ЕВЕ КОЛКАВА Е ПРОСЕЧНА НЕТО ПЛАТА ВО ХРВАТСКА: Објавено и кој има најголем, а кој најмал приход

МЕГА ОГЛАС ЗА ВРАБОТУВАЊЕ ВО ДУБАИ: Отворени 800 работни места, условите се одлични

МЕГА ОГЛАС ЗА ВРАБОТУВАЊЕ ВО ДУБАИ: Отворени 800 работни места, условите се одлични

„Ниту еден денар не фали. Оваа драма на ВМРО-ДПМНЕ е да си создаде алиби за кредитот од Унгарија“: Лукаревска со остар тон за ребалансот

„Ниту еден денар не фали. Оваа драма на ВМРО-ДПМНЕ е да си создаде алиби за кредитот од Унгарија“: Лукаревска со остар тон за ребалансот

ЗАСИЛУВАЊЕ НА ФИСКАЛНАТА ПОЛИТИКА - Кина ќе издаде ултра долги специјални државни обврзници од 55 милијарди јуани

ЗАСИЛУВАЊЕ НА ФИСКАЛНАТА ПОЛИТИКА - Кина ќе издаде ултра долги специјални државни обврзници од 55 милијарди јуани

ДОДЕКА СЕ ЧЕКААТ 500 МИЛИОНИ ЕВРА ОД ОРБАН, „БАЈПАСИРААТ“ ДОМАШНИТЕ БАНКИ, АМА И ЌАРУВААТ - издадена државна обврзница од 48 милиони евра со камата од 5,6 отсто

ДОДЕКА СЕ ЧЕКААТ 500 МИЛИОНИ ЕВРА ОД ОРБАН, „БАЈПАСИРААТ“ ДОМАШНИТЕ БАНКИ, АМА И ЌАРУВААТ - издадена државна обврзница од 48 милиони евра со камата од 5,6 отсто

БУЏЕТОТ ПАК ПОРАСНА ИАКО ЕКОНОМИЈАТА НЕМА ДА РАСТЕ КАКО ШТО СЕ ОЧЕКУВАШЕ – министерката бара одговорно работење од сите институции

БУЏЕТОТ ПАК ПОРАСНА ИАКО ЕКОНОМИЈАТА НЕМА ДА РАСТЕ КАКО ШТО СЕ ОЧЕКУВАШЕ – министерката бара одговорно работење од сите институции

Генерали Инвестментс: Зелено, те сакам зелено…

Генерали Инвестментс: Зелено, те сакам зелено…

Одлука на Народната банка: Од август 2025 година стапката на противцикличниот заштитен слој на капиталот ќе изнесува 1,75 отсто

Одлука на Народната банка: Од август 2025 година стапката на противцикличниот заштитен слој на капиталот ќе изнесува 1,75 отсто

СТОПАНСКА БАНКА БИТОЛА ЗНАЧАЈНО СЕ „СТЕГНА“ - загубата се претвори во добивка од над 800 илјади евра, еве какви се плановите

СТОПАНСКА БАНКА БИТОЛА ЗНАЧАЈНО СЕ „СТЕГНА“ - загубата се претвори во добивка од над 800 илјади евра, еве какви се плановите