ТОШКОВСКИ: Ќе има кривична одговорност за бегството на Груби

Добивај вести на Viber

Министерот за внатрешни работи, Панче Тошковски денеска најави кривична одговорност за бегството на поранешниот вицепремиер Артан Груби. 

Тошковски најави дека полицијата поседува запис на кој точно се гледа дека полицаецoт од граничната полиција го прекршил законот и дека против него ќе биде поднесена пријава.

„Благодарност до Кузеска и СДСМ бидејќи повторно покажаа дека единствено нешто што покажаа е дека можат да ги лажат граѓаните и јавноста. Сите докази кои се во насока на расветлување на случајот за лицето кое сега е недостапно за органите на прогонот и оваа постапка сега се обезбедни од Министерството за внатрешни работи. МВР поседува запис на кој јасно се гледа повреда на закон и оперативните процедури од страна на полициски службеник кој во тој момент бил во служба на граничната полиција. Наредниот ден се спроведени сите истражни постапки и е известено надлежното обвинителство. Во текот на денешниот ден, по консултација со надлежниот јавен обвинител ќе биде изготвена кривична пријава која утре ќе биде поднесена до обвинителството. Исто така од МВР е изречена суспензија за предметното лице. Исто така, можам да изјавам, дека ниту лично го познавам предметното лице, ниту сум потпишал или издал каков било акт тоа да биде назначено да работи во граничната полиција на Македонија“, вели Тошковски.

Груби избега од државата. За него е определен притвор од 30 дена. Штом ќе биде достапен на органите на прогонот, притворот ќе се активира. 

Груби преку адвокатот побарал укинување на притворот. Тој е осомничен за милионски криминал во Државна лотарија.