Тотал инженеринг: Невистини изнесени од политичката партија ВМРО-ДПМНЕ

Добивај вести на Viber

Oд ДГИ Тотал инженеринг ДООЕЛ Струмица целосно ги демантираат изнесените невистини од политичката партија ВМРО-ДПМНЕ. Велат дека нема никаков скандал ниту било каква незаконитост во работата на Тотал инженеринг.

„Договорот со Владата на Република Македонија за детални геолошки истражувања Тотал инженеринг го има потпишано пред три години, односно во 2015 година.Во тоа време,премиер на владата беше Никола Груевски, тогашен претседател токму на ВМРО-ДПМНЕ. Согласно законската постапка, којашто е идетнична за сите, врз основа на тој Договор Тотал инженеринг ја продолжува процедурата која завршува во април 2018 година  Имаме проект и Елаборат за извршени геолошки истражувања, имаме Ревизиска клаузула на Проект од страна на Геолошки завод на РМ, се тоа во време кога институциите беа раководени од кадри на ВМРО-ДПМНЕ. Значи исполнети се сите законски и правни регулативи од страна на Тотал инженеринг и затоа е добиена концецијатаоткако се добиени позитивни мислења од сите надлежни институции. Целосно непотребно ВМРО-ДПМНЕ се обидува да ја дефокусира јавноста. Треба да знаат дека се целосно прочитани и да престанат со овие смешни прес конференции“- стои во демантот. 

Фирмата Тотал Инженериг веќе неколкупати јавно ги охрабрува надлежните институции како и сите невладини организации коишто се занимаваат со борба против корупција детално да ги истражуваат измисленуте случаи на ВМРО-ДПМНЕ и да соопштат за наодите.