Трговската војна со Косово – удар врз македонските шопинг центри!

Добивај вести на Viber

Изминатите години во Скопје се отворија бројни трговски центри, чии газди сметаа токму на купувачите од Косово, како потрошувачки пазар што може да ја оправда големата инвестиција. Доколку трговската војна продолжи и се остварат заканите и за воведување визи за државјаните на Косово тогаш може да се очекува драматично намален проток на патници. Без армијата купувачи од Косово македонските трговски центри може да зјаат празни. Општо е познато дека по отворањето на Скопје Сити Мол, најбројни беа купувачите од Косово, па актуелната трговска војна меѓу двете земји може да нанесе удар и на овој сегмент од економијата. Само во изминативе два дена по воведувањето на мерките за плаќање за влез на државјани на Косово во Македонија протокот се намали за 30 тина проценти. За случувањата меѓу Македонија и Косово веќе се побунија земјоделците, камионџиите, бизнисмените. Очекуваат смирување на состојбата наместо ескалација. Од Стопанската Комора на Македонија предупредуваат дека ако продолжи трговската војна, тогаш најмногу корист ќе имаат другите земји извозници во Косово како Србија и Босна Херцеговина, кои лесно може да ги заменат македонските производи на косовскиот пазар. До синоќа немаше решение меѓу двете земји. На Блаце беше нервозно и во текот на ноќта, откако камионџиите во знак на протест ја блокираа границата.