ТРИФОНОВ: Драги Македонци...извинете Северномакедонци, ќе ги прифатите бугарските корени или нема ЕУ
Објавено во: Македонија 07 Ноември, 2020
Едно од
најпознатите ТВ-лица во Бугарија, кој од 2019 година активно се вклучува и во
политиката во земјата, Слави Трифонов, на својот профил на Фејсбук објави пост во кој предлага
Македонците да ги признаат бугарските корени или нема влез во Европската Унија.
Во постот, со
неговата позната иронична и крајно остра реторика пишува:
Предлогот до Македонците, оп ... извинете - северните Македонци, ако ги
признаат своите историски бугарски корени, и ние ја признаеме моменталната
состојба на работите, а моменталната состојба е да ги признаеме македонскиот
јазик и нација – тоа за нив е најдобриот предлог што можат да добијат.
И тоа во ситуација кога целата нивна сегашна држава се заснова на антибугарска реторика, нарекувајќи нè Бугари - Цигани и Татари. Почитувани Македонци, извинете - северномакедонци, ќе се навикнам, но ми треба време - да бидам искрен, јас сум многу толерантна личност, но сè има свои граници. Ве гледам како чекате бугарски пасоши, гледам како доаѓате на бугарското црноморско крајбрежје и бугарските летувалишта, гледам како вашите деца доаѓаат да учат на бугарските универзитети, гледам дека мислите дека „Јовано, Јованке“ е македонска, извинете, северномакедонска песна, и се прашувам - зошто, луѓе? Нели сме Цигани и Татари? Значи, сакате цигански пасоши, доаѓате на Татарско Црно Море, студирате на цигански универзитети и „Јовано, Јованке“ е крајно циганска песна (простете ми Цигани – тој народ емотивен и раселен низ целиот свет).
Значи, Северна Македонија нема да добие поголем компромис и ако не прифати нејзините историски бугарски корени, ќе биде надвор од Европската унија. Толку!