ТРИУМФНА МИСИЈА, „ОДИСЕЈ“ ПОЧНА ДА ПРАЌА ИНФОРМАЦИИ И ФОТОГРАФИИ: Американците по половина век испратија прво приватно лунарно летало на Месечината

Добивај вести на Viber

Одисеј е првото американско летало кое слета на Месечината во последните 50 години и почна да испраќа податоци, наведува американската компанија Intuitive Machines со седиште во Хјустон.

Контролорите неколку минути се обидувале да воспостават врска со леталото, плашејќи се дека можеби не функционира, но сигналот на крајот пристигнал.

„Можеме без сомнение да потврдиме дека нашата опрема е на површината на Месечината и дека имаме сигнал“, изјави Тим Крејн, директор на летот. Кога Одисеј ги испратил првите сигнали по слетувањето на Месечината, вработените во компанијата експлодирале од задоволство.

Тоа беше важен момент, не само за комерцијално истражување на вселената, туку и за американската вселенска програма воопшто. Ова е првото американско вселенско летало кое слета на Месечината по половина век - последен пат мисијата Аполо го направи тоа во 1972 година.

НАСА, американската вселенска агенција, изнајми простор на Одисеј за шест научни инструменти, а нејзиниот администратор Бил Нелсон веднаш му честиташе на Intuitive Machines за, како што рече, „триумфна“ мисија.

„За прв пат во историјата на човештвото, комерцијална компанија, американска компанија, започна и организираше патување до таму“, додаде тој. Контролорите мораа да се справат со технички проблем што речиси ја запре мисијата уште пред да започне спуштањето.

Одисеј слета точно во 23:23 часот по средноевропско време.

Неколку часа подоцна, компанијата објави дека Одисеј стои исправено и испраќа податоци, вклучително и фотографии. Целно слета на теренот со кратери, веднаш до планинскиот комплекс познат како Малаперт.

Тоа е најјужната точка на Месечината на која некогаш слетало летало, на 80 степени јужно. Се наоѓа на краткиот список на локации што НАСА размислува да испрати астронаути до крајот на оваа деценија, како дел од програмата Артемис.

Во тој дел од Месечината има длабоки кратери кои никогаш не биле осветлени од сончевата светлина. Научниците сметаат дека во тие кратери можеби има замрзната вода. Овој пат, истражувачите ќе посветат најмногу внимание на однесувањето на лунарната прашина.