ТТК банка со раст на добивката

Добивај вести на Viber

ТТК банка во првите девет месеци од годинава забележа нето добивка од нешто повеќе од 392 илјади евра (24.123 илјади денари) што е значајно повеќе во однос на остварениот резултат во истиот период минатата година.  “Остварената добивка пред исправка на вредност, која претставува показател за оперативната способност на Банката да ги покрива расходите од работењето е за 68,7% повисок во однос на истиот период минатата година, како резултат на побрзиот растот на оперативните приходи од оперативните расходи“ пишува во неревидираниот финансики извештај на ТТК банка за првите девет месеци од годинава. Загубите поради оштетување кај дадени кредити и вложувања изнесуваат нешто повеќе од 426 илјади евра (26.214 илјади денари) сума што е за 54,9% пониска во однос на истиот период минатата година, што е последица на добрите резултати во делот на наплатата на побарувањата, објаснуваат до банката. Банката остврала приходи од камати во износ од 3,1 милион евра (195.342 илјади денари). Остварените нето приходи од камати се зголемени за 12,6% во однос на истиот период минатата година. Нето приходите од провизии и надоместоци  изнесуваат 1,3 милиони евра (83.906 илјади денари) и во однос на истиот период минатата година бележат зголемување од 5,1%. Вкупните оперативни трошоци изнесуваат 4,2 милиони евра (259.698 илјади денари ) и во однос на истиот период минатата година се зголемени за 5,9%. ТТК Банка –неревидиран финансиски извештај

• Нето добивка                                                                                                                         392 илјади евра
• Загубите поради оштетување кај дадени кредити и вложувања            426 илјади евра
• приходи од камати                                                                                                            3,1 милион евра
• Нето приходите од провизии и надоместоци                                                     1,3 милиони евра
• оперативни трошоци                                                                                                       4,2 милиони евра

  Наташа СТОЈАНОВСКА