Тупанчевски ќе формира ад-хок тело за имињата на бугарските здруженија во Македонија

Добивај вести на Viber

Министерот за правда Никола Тупанчевски најави формирање ад-хок тело како прелдог на  денешната седница на Владата кое треба да дозволува, односно да не дозволува регистрација на бугарски здруженија со контроверзни имиња во Македонија.

Министерот рече дека пва ќе биде привремено решение, до донесување на нов Закон за здруженија и фондации. Изминатиот период во јавноста се отвори прашањето за издавањето на дозовли за регистрирање на здруженија со спорни имиња на историски личности како „Иван Михајлов“ и „Цар Борис Трети“.

– Мој предлог би било да се формира ад хок тело, меѓуресорско, што ќе дава мислење за карактерот на историските личности, односно на начинот на којшто ќе се формираат. Во таа насока мислам дека ќе биде намалена можност да се злоупотребуваат одредени личности кои имаат негативен контекст низ различни историски епохи, изјави Тупанчевски, одговори Тупанчевски на новинарско прашање.

Постојната правна рамка дозволува ад-хок тело кое ќе се повикува на судската пракса на Европскиот суд за човекови права, ако се доведе во прашање називот на организацијата со одредена контроверзна историска личност. Телото ќе ги следи и оценува суштински како програмските така и дејствијата на организацијата и нејзините членови пред да донесат каква било одлука за забрана на упис или забрана за дејствување.