УАПСЕНИ ПЛАТЕНИ УБИЈЦИ ОД СРБИЈА ВО САРАЕВО: Полицијата ги соопшти деталите

Добивај вести на Viber

Припадници на МУП на КС вчера уапсиле две лица во зградата на сараевската кула по потерница на Интерпол од Србија, дознава порталот „Аваз“.

Осомничените изнајмиле неколку станови на самиот врв на оваа зграда.

„Аваз“ од извори блиски до полицијата дознава дека се уапсени Душан Јовановиќ Гиба и Дарко Дуловиќ. Тие биле уапсени од страна на МУП на КС, со помош на ОСА која ги лоцирала и разоткрила.

Јовановиќ се поврзува со кланот на Веља Невоља, попознат како Вељко Беливук, но и со Дарко Шариќ.

Бојан Хрватин, сведок во постапката против кланот на Вељко Беливук и Марко Миљковиќ, кои се обвинети за најтешките кривични дела, при сведочењето во март годинава изнесе низа детали за убиството на двајца скалари на Крф. Алан Кожар и Дамир Хаџиќ беа убиени во јули 2020 година на Крф, а Хрватин тврди дека меѓу џелатите бил и Душан Јовановиќ, познат како Гиба од Карабурма, чиј брат Вук бил ранет во заседа пред зградата каде што живеел.

Медиумите во Србија во ноември минатата година објавија дека Душан Јовановиќ го планирал атентатот на Веселин Милиќ, началникот на белградската полиција, а сето тоа го открија пораките на Скај.

Душан Јовановиќ познат како Гиба е поврзан со водачот на „вештерките“ Никола Вушовиќ Џони и соработникот Дарио Ѓорѓевиќ Декстер.

Го поврзуваат и со Дарко Сариќ. Уапсен е и Дарко Дуловиќ.

Во јуни, Апелациониот суд во Белград ја потврди пресудата на Вишиот суд и го ослободи Дарко Дуловиќ од обвинението за помагање во тешкото убиство на Синиша Милиќ Боскет, кој беше познат како близок соработник на Лука Бојовиќ!

Освен Србија, по овие лица трагаат и други држави. Утврдено е што правеле овде и кого планирале да ликвидираат.