УНГАРИЈА ДАДЕ ЗЕЛЕНО СВЕТЛО: Шведска влегува во НАТО, зад себе остави 200 години воена неутралност
Објавено во: Свет 26 Февруари, 2024
Шведска влегува во НАТО.
Унгарскиот парламент го одобри приемот на Шведска во НАТО со 188 гласа „против“ и 6 „против“ по неколку месеци одложување. Шведска остава зад себе 200 години воена неутралност, изјави премиерот на земјата Улф Кристерсон, откако претходно денеска унгарскиот парламент го ратификуваше барањето на официјален Стокхолм за членство во НАТО.
„Шведска остава зад себе 200 години воена неутралност и неврзаност. Тоа е голем чекор и нешто што треба сериозно да се сфати“, изјави Кристерсон на попладневната прес-конференција, јави шведскиот јавен сервис СВТ.
Тој кажа дека Шведска, со претстојното членство во НАТО, „се враќа дома“ во сојузот на демократии.
„Ова беше добар ден за Шведска и шведската безбедност“, истакна Кристерсон.
Вели дека ова е секако историски ден за земјата.
Кристерсон посочи дека остануваат уште неколку чекори пред Шведска формално да стане членка на НАТО и дека во моментов не може да даде никакви информации за тоа кога точно ќе се случи тоа.
Новинарите го прашаа и каква реакција очекува од Русија.
„Што се однесува до Русија, единственото нешто за кое знаеме дека можеме да очекуваме е дека не им се допаѓа Шведска да стане членка на НАТО. Што друго ќе направат, не можеме да знаеме. Подготвени сме за секакви работи“, изјави премиерот на Шведска.
Русија цело време се заканува на земјите кои испраќаат оружје во Украина.