УПОЗ: Наместо да се „тепаат“ во Собрание да не одат во пензија, имаме многу кадри кои чекаат да станат судии и обвинители
Објавено во: Македонија 30 Јуни, 2022
УПОЗ, синдикатот кој ја застапува администрацијата, се огласи претпладнево откако вчера во Собранието не успеа иницијативата на владеачкото мнозинство да им го продолжи „векот“ на 60 судии и 13 обвинители со законско продолжување на рокот на нивното пензионирање.
Од синдикалната организација реагираат дека има голем број на стручни соработници, кои ги исполнуваат условите да станат нови судии и обвинители, но и дека не можат тоа да го остварат затоа што „така на некому му одговара“.
- Наместо да се “тепаат” во Собрание, за продолжување на мандатите на судиите и јавните обвинители, спротивно на Устав и Закони, нека погледнат во сопствените дворови и ќе видат дека има над 300 стручни сорабоници во судовите и јавните обвинителства, кои и те како ги исполнуваат условите за избор на судии и обвинители.
Синдикатот на УПОЗ уште пред неколку години, достави предлози до надлежните органи, стручните соработници од судовите и јавните обвинителства со долгогодишно работно искуство да имаат можност, со обука во траење од три до шест месеци, да бидат избрани за судии и обвинители. Одговор до ден денес немаме добиено.
Дрското кршење на Уставот и Законите, само за одредена категорија на вработени, е класична дискриминација на сите останати граѓани/вработени во општеството. Да се даде огромно право на Судскиот совет, да продолжува мандати на кого сака и кога сака, а притоа да ги избегнува сите барања за средба со Синдикатот на УПОЗ, ја прави оваа институција автократна а Претседателот на институцијата апсолутен владете, реагираат од УПОЗ.
Инаку ќе нема измени на Законот за работни односи и 60-ина судии и 13 обвинители од утре одат наеднаш во пензија. Владејачкото мнозинство во Парламентот не успеа да ги донесе измените на Законот за работни односи. Со пензионирањето на судиите многу тековни судски предмети ќе се вратат на почеток. Во собраниските комисии опозицијата жестоко ги бранеше предизвикувајќи и инциденти,
Според образложението на предлог-измените на Законот за работните односи, чиј предлагач е Министерството за труд и социјална политика, продолжувањето на работниот век на 60 судии и 13 обвинители до 67 години старост е од суштински јавен интерес и ќе овозможи моментално непречено извршување на судската власт како есенција на владеењето на правото.
- Стручните соработници со судовите и обвинителствата, ги извршуваат истите работни задачи како и судиите, за трипати пониска плата и поголема одговорност.
П.С. Дали фактот дека Академијата за судии и јавни обвинители која е преполна со деца на функционери, има врска со предложената законска измена?, прашуваат од УПОЗ.
Можеби ќе ве интересира
УТРЕ НЕМА ДА РАБОТИ ЖИЧНИЦАТА, А АВТОБУСИТЕ ЌЕ ВОЗАТ ПО НЕДЕЛЕН ВОЗЕН РЕД: Еве што велат од ЈСП
УТРЕ НЕМА ДА РАБОТИ ЖИЧНИЦАТА, А АВТОБУСИТЕ ЌЕ ВОЗАТ ПО НЕДЕЛЕН ВОЗЕН РЕД: Еве што велат од ЈСП
ЕВЕ КАКО „ЛИДЛ“ ВО МАКЕДОНИЈА ГИ ПРЕЧЕКУВА НОВОВРАБОТЕНИТЕ: Пред еден месец вработени 37 лица во логистика, финансии, продажба дистрибуција...
ЕВЕ КАКО „ЛИДЛ“ ВО МАКЕДОНИЈА ГИ ПРЕЧЕКУВА НОВОВРАБОТЕНИТЕ: Пред еден месец вработени 37 лица во логистика, финансии, продажба дистрибуција...
ОБРАЗОВАНИЕТО ЗАДОЛЖИТЕЛНО, АМА ДЕЦАТА НА РАБОТА – наместо во училишните клупи дел од тинејџерите работат, еве каде ги има најмногу
ОБРАЗОВАНИЕТО ЗАДОЛЖИТЕЛНО, АМА ДЕЦАТА НА РАБОТА – наместо во училишните клупи дел од тинејџерите работат, еве каде ги има најмногу
ДАЛИ ДОКТОР БЕЌАРОВСКИ ЗАМИНУВА ОД ТОКСИКОЛОГИЈА? „Дон Кихот го напушта оклопот, 35 години бев најголем борец“
ДАЛИ ДОКТОР БЕЌАРОВСКИ ЗАМИНУВА ОД ТОКСИКОЛОГИЈА? „Дон Кихот го напушта оклопот, 35 години бев најголем борец“
КАКВО ВРЕМЕ ДА ОЧЕКУВАМЕ ЗА ВРЕМЕ НА ПРАЗНИЦИТЕ: Еве што вели првичната прогноза
КАКВО ВРЕМЕ ДА ОЧЕКУВАМЕ ЗА ВРЕМЕ НА ПРАЗНИЦИТЕ: Еве што вели првичната прогноза
ДАЛИ Е МОЖЕН БОЈКОТ ВО ВТОРИОТ КРУГ: Силјановска Давкова даде одговор
ДАЛИ Е МОЖЕН БОЈКОТ ВО ВТОРИОТ КРУГ: Силјановска Давкова даде одговор
