23 Август, 2019
0.0190

УСЕИНИ: Некоректно е да се користи мојот ресторан како дел од проблемите на Охрид со УНЕСКО

Објавено во: Македонија 20 Јули, 2019

Секојдневно слушам дека одредени медиуми прават репортажи за моите бизниси и компании, а се со цел за дискредитација на моето име и за добивање ситни политички поени, напиша сопственикот на ресторанот кај Чинарот и советник во општина Охрид, Нефи Усеини. Ресторан од кој летната тераса изминатиот период се посочува како дивоградба.

Соопштението ви го пренесуваме во целост:

„Веќе подолг временски период сум сведок на постојан медиумски притисок поврзан со моето работење и работењето на моите компании.
Секојдневно слушам дека одредени медиуми прават репортажи за моите бизниси и компании, а се со цел за дискредитација на моето име и за добивање ситни политички поени.
Прво сакам да Ви кажам дека компанијата „Нефи ИК“ во чиј склоп е и ресторанот “Луна’’, е компанија која постои повеќе од 10 години и вработува повеќе од 200 вработени и која што уредно ги плаќа обврските и давачките кон Северна Македонија.
Компанија, која е социјално одговорна и помага на многу загрозени семејства, но и компанија која го поттикнува спортот и екологијата.
Затоа и ме чуди целата оваа хајка кон мене, започната од одредени медиуми, а продолжена од политичките партии, за локација за која што уредно имам поднесена и заверена документација во градот Охрид и за која што навремено ги подмирувам обврските кон градот, за закуп на летна тераса и сум закупец веќе 11 години.
Реновирањето на летната тераса на ресторанот Луна беше со изработен елаборат кој што се држеше до квадратурата, за која што плаќаме закупнина и која што никако не го наруши зеленилото или естетскиот изглед на плоштадот Крушевска Република и е во согласност со градот Охрид.
Сметам дека е крајно некоректно да се користи името на мојот ресторан како дел од проблемите на градот Охрид со УНЕСКО и ја поттикнувам иницијативата на премиерот Заев, дека законот мора да важи за сите.
Затоа и апелирам до медиумите да ја задржиме презумцијата на невиност се додека градот Охрид не одговори по дадениов случај.
Крајно е некоректно да се спроведува ваква хајка против компанија која што долги години работи за подобрување на условите за живот во Охрид, за унапредувањето на бизнисот и на туризмот во овој крај, а јас како советник секогаш сум се залагал и сум ги застапувал интересите за подобар живот на сите мои сограѓани.
Уште еднаш Ви се извинувам ако сум навредил некој медиум или не сум бил секогаш достапен, но сепак во светот на бизнисот , не секогаш го имаме луксузот на време и комоција на достапност.
Ве поканувам во наредниов период сите заинтересирани новинари и медиуми да го посетите објектот и без проблем ќе Ви одговорам на сите Ваши прашања и дилеми, со претставување на целата валидна документација за времениот објект Луна, документите ќе бидат сојузник на вистината, објектот работи 11 години“, вели Усеини во соопштението испратено до медиумите.

Можеби ќе ве интересира

ФОКУС НА ДЕНОТ: Колегите се оградуваат од Катица Јанева, кој ќе ја замени?

ФОКУС НА ДЕНОТ: Колегите се оградуваат од Катица Јанева, кој ќе ја замени?

Граѓаните дадоа оценка за работата на Собранието

Граѓаните дадоа оценка за работата на Собранието

Лиле Стефанова се огради од Јанева

Лиле Стефанова се огради од Јанева

Очекувајте невреме во Македонија

Очекувајте невреме во Македонија

Слаб земјотрес почувствуван во Западна Македонија

Слаб земјотрес почувствуван во Западна Македонија

АМБАСАДА НА САД: Секој кој ја злоупотребил довербата на јавноста мора да биде одговорен

АМБАСАДА НА САД: Секој кој ја злоупотребил довербата на јавноста мора да биде одговорен

Зошто инспектори од УЈП влегоа во Шутка?

Зошто инспектори од УЈП влегоа во Шутка?

Дали Лиле Стефанова има амбиции да ја замени Јанева?

Дали Лиле Стефанова има амбиции да ја замени Јанева?

Вистината има многу лица, најважно е да си чист пред себе: Кој е Коста Петров, новоизбраниот потпретседател на СДСМ?

Вистината има многу лица, најважно е да си чист пред себе: Кој е Коста Петров, новоизбраниот потпретседател на СДСМ?