Уште една европска метропола воведува полициски час
Објавено во: Свет, Корона Вирус 22 Октомври, 2020
Главниот град на Италија, Рим од утре ќе се воведе полициски час. Тој ќе трае од полноќ до пет часот наутро. Оваа општа забрана за движење во ноќните часови ќе биде на сила еден месец.
Одлуката ја потпиша гувернерот на Лацио Никола Ѕингарети, а премиерот Џузепе Конте ги замоли Италијанците да го ограничат своето движење и да се воздржат од какви било непотребни активности.
Излегувањето од дома во ноќните часови ќе биде дозволено само за одење на работа и итни ситуации.
Во Италија, во претходните 24 часа беа пријавени 15.000 новоинфицирани со коронавирус.Битката со опасниот вирус ја изгубија скоро 37.000 луѓе.
Франција пак ќе ја прошири општата забрана за движење во ноќните часови на уште десетици области.