УТРИНСКИТЕ ТЕМПЕРАТУРИ ЌЕ СЕ СПУШТААТ ПОД НУЛАТА - еве какво време не очекува оваа работна недела

Добивај вести на Viber

Новата работна седмица во периодот од 11 до 15 Ноември во Македонијапод влијание на многу постудена воздушна маса од север и од североисток носи многу постудено време со потпросечни температури за ноември, а сето ова ќе биде проследено и со слаб до умерен ветер од северен и од севроисточен правец.

- Во текот на новата работна седмица времето ќе биде променливо облачно со сончеви периоди, а ќе има и повремени локални врнежи од дожд со слаб до умерен, локално и со умерен интензитет. На планините повремено ќе има врнежи од снег, со што има услови да се формира  и првата бела покривка на овие места, иако истата би била релативно мала - најавува метеопрогнозерот Славчо Поповски. 

Тој посочува дека и во Скопскиот регион во текот на новата работна недела ќе биде значително постудено, а во делови од регионот ќе има услови и за повремен дожд со послаб интензитет. Ќе дува слаб до умерен ветер од северен правец.

- Што се однесува до  температурите, тие во почетокот на седмицата во утринските часови ќе се спуштаат под нулата, а особено во Беровскиот регион тие се очекува да се спуштат до околу - 8 степени, а потоа и тоа поради облачноста ќе бидат повисоки. Максималните дневни температури пак ќе се искачуваат во интервалот од 7 до 14 степени, додека најстудено преку ден ќе биде во среда, кога максималните дневни температури ќе се искачуваат во интервалот само од 5 до 12 степени.

Гледано подолгорочно, уште постуден бран би можело да не зафати некаде во втората половина на овој месец, и истиот да ги донесе првите снегулки за оваа сезона и во градовите. Сепак, како што кажав ова е долгорочна анализа, и во истата промени се можни, па затоа граѓаните да ги следат нашите секојдневни пократкорочни анализи, кои се многу попрецизни и се со можност за остварување од над 90 проценти - нагласува Поповски.