Узунов: Политиката се вмеша во трговската војна со Косово

Добивај вести на Viber

Не сум сигурен дека станува збор само за трговска војна, мислам дека има малку и политичка војна е оценката на професорот Ванчо Узунов за последните случувања меѓу Македонија и Косово. - Факт е дека секогаш кога ќе се измешаат политиката и бизнисот, особено кога ќе се измешаат лоша политика и бизнис, за жал страда бизнисот - неправедно, а оттука страдаат и граѓаните. Во бројка не можат да се кажат во моментов, но штетите сигурно дека нема да бидат незначителни со оглед на тоа дека Косово станува се позначаен наш надворешно-трговски партнер и имаме суфицит во размената - вели Узунов. Според него, Владата не требаше да дозволи да се дојде до овој проблем. - Суштина е проблемите да се решаваат однапред, да се предвидат и да не се дозволи да се случат. Откако ќе се случат потоа единствено нешто што може да направите е да ги отстраните причините. Очигледно станува збор за политика, бидејќи нашата влада воведе такси за граѓани и возила од Косово. Тоа не е трговија. Влез на возила и граѓани од Косово. Тоа е надвор од трговија. Тука се вмеша политиката - дециден е професорот.