В среда АРМ ќе ги изложи шестте американски оклопни транспортери

Добивај вести на Viber

Славјанка Петровска, министерката за одбрана, денеска објави дека првите шест оклопни транспортери од САД же бидат изложени пред јавноста в среда на 17 август кога под мотото „30 години безбедност, стабилност, доверба“ Армијата на Република Северна Македонија ќе го одбележи 30-годишниот јубилеј.

- Во среда на воениот стадион ќе бидат излошени првите шест нови оклопни транспортери од американско производство кои неодамна пристигнаа и со кои значително се влијае на борбената готовност на армијата, рече Петровска.

Таа дополни дека дополнително ќе пристигнат од САД уште 27 вакви возила. Манифестацијата по повод јубилејот ќе се одржи на Воениот стадион со почеток во 18:30 часот.

На настанот кој ќе биде целовечерен, посетителите ќе имаат можност одблиску да се запознаат со дел од најновата воена опрема и со новите оклопни возила на Армијата, ќе бидат сведоци на вештините на специјалните сили, а ќе биде изведена и показна вежба со армиските кучиња.

Армијата на Република Северна Македонија по подолго време за потребите на воените сили конечно го доби првиот контигент од лесните оклопни возила 6 ЈЛТВ од американско потекло.

Пред три недели на пристаништето во Солун пристигна првата испорака од лесни оклопни возила во рамките на проектот „Набавка на лесни оклопни возила на тркала“.

Проектот „Набавка на лесни оклопни возила на тркала“ е започнат во 2019 година со склучување на Договори помеѓу Владите на Република Северна Македонија и САД, а до крајот на годината очекувсме да пристигнат уште 27 вакви возила.