Вархеји им забележува на македонските пратеници за палењето на францускиот предлог
Објавено во: Македонија 26 Јули, 2022 18:30
Опозицијата во Северна Македонија ги премина границите на цивилизиран начин на водење политика, вели еврокомесарот за проширување, Оливер Вархеји.
Тој во интервју за „Еурактив“, рече дека ова е момент за отрезнување за Северна Македонија, но и за опозицијата.
„Палењето документи во пленарната сала, туркањето на луѓето кон насилство и поттикнувањето омраза не носат ништо, само штета“, порача Вархеји.
„Еуроактив“ наведува дека по решавањето на долгогодишниот спор на Северна Македонија со Бугарија, Албанија ги започна преговорите, додека за Скопје дел од процесот ќе биде и вклучување на Бугарите во Уставот меѓу останатите нации, за што е потребено две третини од пратениците да гласаат „за“. Вархеји изјави дека ова ја поттикна националистичката опозиција која ги премина црвените линии организирајќи ги протестите кои траеа со денови.
Во македонското Собрание, пратениците од опозицијата го критикуваа францускиот предлог. Но, и во Бугарија пратеници провоцираа со транспаренти на кои пишуваше „Македонија е Бугарија“.
Можеби ќе ве интересира
ФАКТОР НА ДЕНОТ: Љупчо Коцевски поднесе неотповиклива оставка
Агелер: Без разлика дали има пристапни преговори патоказот постои, сакаме да видиме повеќе напредок на тој план
МВР отвора шалтер за „Безбеден град“ - граѓаните ќе можат да ги ажурираат контакт-податоците
Собранието ја изгласа потребата од носење на Предлог законот за Судски совет
Министерство за здравство ќе спроведе вонреден инспекциски надзор за смртта на новороденчето
Нема да има огномет од Град Скопје за Нова година?
Собранието го констатираше престанокот на функцијата на обвинителот Коцевски
