(ВИДЕО) ФАКТОР МАГАЗИН: Името Горна Македонија низ ставот на професор Поповски

Добивај вести на Viber

Република Горна Македонија е прифатливо име, но она што е важно во графата за националност, јазик и државјанство да остане македонски, вели проф. Владо Поповски.

„Самото име Горна Македонија може да помине бидејќи промената на името кое што е предмет и на резолуцијата на ОН што значи обврска да се решат споровите, да се воспостави основа на мир, соработка, пријателство итн. од таа смисла формулацијата поврзана со името Република Горна Македонија фаќа логика и место бидејќи има одредена конекција со историските именувања на овој терен“, вели универзитетскиот професор во емисијата Фактор магазин.

Мојот став е дека е добро да се изнајде решение, да се излезе од ќорсокакот, од излоацијата што ја има РМ, но не може да се излезе доколку не се наиде на сила Владата што би предложила внатре доколку идентитетот биде згазен или ставен под прашање, вели професорот дополнувајќи:

„Не е познато некоја друга Влада на нечија држава да определува соседниот народ на која нација припаѓа, како се вика неговиот јазик и како ќе го именува во национална смисла. Тука генерации и генерации ги положиле своите животи и коски во смисла на националниот идентитет, дека се Македонци , дека нивниот јазик е Македонски и дека државјанството е македонско за сите граѓани“.

Тој вели дека Република Македонија суксесивно, чекор по чекор се движи до една граница каде што може да го постави прашањето на нов Устав .

„Треба да го врземе рационално со влезот на РМ во Европската унија, во моменти кога ќе треба од делот на суверенитетот на РМ да се пренесе дел на суверенитетот на институциите на ЕУ што значи тогаш дека станува збор за суштински измени .

Ние се доближуваме до тие потреби, но се уште не сме пред вратите на таа потреба бидејќи РМ не е пред вратите на ЕУ, сеуште сме во предворјето и чека мепреговори, вели универзитетскиот професор Владо Поповски во емисијата Фактор магазин.

За уставните измени, црвените линии на Грција и Македонија, „ерга омнес“ погледнете го ставот на универзитетскиот професор и целата емисија на Фактор магазин, емитувана синиќа во видеото подолу.