(ВИДЕО-ФОТО) Едно лице загина, а 15 се повредени како резултат на торнадо во Оклахома и Арканзас
Објавено во: Свет 26 Март, 2015
Најмалку едно лице загина, а неколку беа повредени откако торнадо помина низ делови на Оклахома и Арканзас во средата вечерта, пренесе „Ројтерс“.
Локалните власти велат дека едно лице загинало во предградието Сандс Спрингс, Оклахома, откако бурата го разурнала паркингот за приколки.
Невремето, со кое годинава била „отворена“ сезоната на торнада, речиси уништила камп за приколки, корнела покриви од куќи, а десетици илјади жители на Оклахома денес се без струја.
Сезоната на торнада и урагани во САД обично почнува во март, но не е невообичаено торнадо да се појави и во текот на зимата. Центарот за предвидување бури предупредил дека деновиве може да дојде до судир на топли и ладни воздушни маси кои можат да предизвикаат сериозни невремиња.
Над 20 лица загинаа, а повеќе од 300 беа повредени кога торнадо го погоди градот Мур во 2013 година.