(ВИДЕО) Најголемата авионска несреќа во СФРЈ: Полн DC9 закачил планина и паднал во бездна

Добивај вести на Viber

Една од најголемите југословенски авионски несреќи се случила се случила на 1 декември 1981 година кога авионот Inex Adrije DC9 Yu – ANA, на Корзика удрил во планина во близина на градот Ајачија. Загинале сите 173 патници и 7 членови на екипажот. Класифицирана е меѓу најлошите несреќи на светот од 1981 година и 36 најлоши некогаш.

Авионот полетал од Брник кај Љубљана и требало да слета кај градот Ајачија на Корзика, но се урнал на околу дваесет километри од него.

Во него имало најмногу Словенци кои тргнале на одмор, а до несреќата дошло најверојатно поради неспогодба во комуникацијата помеѓу екипажот и контролата на летот.

Тој во 7.52 наутро го удрил левото крило во планината Сен Пјер на височина од 1364 метри и така оштетен поминал уште 700 метри, потоа удрил во брдото и се урнал, а спасувачите успеале до местото на несреќата да се пробијат дури околу 16 часот.

Во мај 2008 година на планината Сан Пјер отишла група спасувачи, која две недели со дозвола на италијанските власто ги чистела остатоците на несреќата, и во текот на работата пронашла дел од посмртните останки на загинатите и нивните лични предмети, како и 27,5 тони од остатокот на авионот.

Година дена подоцна во 2009 година, на љубљанските гробишта Жале одржана е комеморација на која роднините и пријателите ги погребале преостантите посмртни останки на жртвите.