(ВИДЕО) Сите се поканети на 1.000-годишниот јубилеј
Објавено во: Македонија 18 Мај, 2018
„Илјадагодишно постоење на нашата славна и света Охридска Архиепископија, возобновена во лицето на Македонската Православна Црква, заслужува да биде најдостоинствено прославено, за што, како што Ви е познато, оваа година се организирани бројни настани во нејзина чест“, им порачуваат организаторите на настанот до сите верници и сите граѓани кои се поканети да бидат дел од прославата на 1.000 годишниот јубилеј на Охридската архиепископија.
Промотивниот спот за настанот е изработен на барање на Комисијата за односи со верските заедници и религиозните групи на Република Македонија, а во него се најавува главната прослава којашто ќе се случува на 27 и 28 мај 2018 година, во архиепископскиот соборен храм „Света Софија“ во Охрид.