(ВИДЕО) УКРАИНА ОБЈАВИ СНИМКА: Уништија руски брод на Крим
Објавено во: Свет 14 Февруари, 2024
Украина објави дека уништила голем руски десантен брод.
Во нападот биле вклучени водни дронови „магура“, а се случил во Црното Море во близина на градот Алупка на окупираниот полуостров Крим.
„На 14 февруари, одбранбеното разузнавање на Украина, во соработка со сите компоненти на безбедносните и одбранбените сили на Украина, го уништи големиот десантен брод ‘Цезар Куников’ од црноморската флота на агресорската држава Русија. Успешната мисија беше спроведена од специјалните сили на групата 13 на одбранбеното разузнавање на Украина“, наведуваат од одбранбено разузнавање на Украина, пренесува „Украинска правда“.
Се работи за бродот ‘Цезар Куников’. Засега нема коментар од Русија, но претходно соопштија дека биле соборени шест дрона над Црното Море. Инаку, Украина уништи голем број руски бродови на Крим. Наскоро се навршуваат две години од почетокот на руската инвазија на Украина.ФОТО: Принтскрин