(ВИДЕО) УКРАИНСКИ ДРОН ГО ПОГОДИ БЕЛГОРОД: Oштетена е управната зграда, има повредени
Објавено во: Свет 12 Март, 2024
Украинците со дрон го нападнаа рускиот град Белгород. Украинското беспилотно летало удрило во зградата на градската управа во Белгород, при што се повредени две жени. Информацијата ја потврди гувернерот на руската погранична област Белгород Вјачеслав Гладков, пренесува руската државна новинска агенција Тас.
„Две лица се повредени: една жена се здобила со рани од шрапнели, додека другата се здобила со повреда од експлозија. На повредените им е пружена сета неопходна медицинска помош“, напиша Гладков на својот канал Телеграм.
Вели дека стаклата на зградата се искршени, а фасадата е оштетена од шут. Гладков изјавил и дека дрон паднал на покривот на трговски центар во близина на железничката станица, при што нема жртви, но е оштетен еден автомобил.
На социјалните мрежи се шири видео од беспилотно летало кое паѓа и експлодира недалеку од камерманот. Се вели дека камерманот не е повреден во експлозијата. Украина често напаѓа цели на руска територија.
Инаку, руски партизани денеска од територија на Украина влегоа во Русија и заземаа села.
#Belgorod media reports that a drone damaged the city administration building in the city center pic.twitter.com/getizSs55v
— NEXTA (@nexta_tv) March 12, 2024