(ВИДЕО) За пола милијарда евра: Продадена најпознатата фабрика за тутун во Хрватска!
Објавено во: Балкан, Економија 01 Јуни, 2015
Фабриката за тутун Ровињ (TDR), во состав на Адрис групата, е продадена на Бритиш Американ Тобако (British American Tobbaco – BAT) за 505 милиони евра, соопшти групацијата Адрис по пат на Загребачката берза.
Трансакцијата освен TDR подразбира и купување на фирма во рамки на оваа група, како што се Истраграфика, Хрватски тутун и малопродажниот ланец иНовине и Опрес, пренесуваат хрватски медиуми.
ТДР на БАТ му продал и 25 процентен удел во Тиск, чиј сопственик е концернот Агрокор.
Според договорот, новиот сопственик е должен да го задржи производството во Канфанар најмалку пет години од моментот на преземањето, и да осигура додатни 50 милиони евра во случај на предвремено затворање на фабриката.
[embed width="700" height="450" ]https://youtu.be/34xqYa6JFLU[/embed]Претседателот на управата на ТДР Марко Задро изјавил дека се задоволни со постигнатата цена и договорот околу заштитата на работниците.
Сметам дека е многу важно што угледната компанија ја препознала додатната вредност во нашиот интегриран бизнис модел кој вклучува откуп и преработка на тутун, производство на цигари и амбалажи, дистрибуција и малопродажба - рекол Задро.
Додал дека за сите нив е значајно што производството во Канфанар ќе биде продолжено и што работните места ќе бидат задржани.
После либерализацијата на тутунскиот пазар уделот на ТДР почнал да паѓа. Пред неколку години ровињската фабрика продавала 12 милијарди цигари годишно, додека лани таа бројка изнесувала 9 милијарди, поради што во Адрис се одлучиле на продажба, наведува Тпортал.