Вигенин вели дека без разлика на францускиот предлог, ветото останува
Објавено во: Македонија 17 Јуни, 2022
Бугарската социјалистичка партија (БСП) вели дека ветото останува, без разлика на содржината на францускиот предлог. Што и да содржи предлогот, Бугарија нема да го повлече ветото, пишува 24 часа.
Во емисија за Бугарското национално радио заменик претседателот на Народното собрание на Бугарија и потпретседател на Бугарската социјалистичка партија (БСП), Кристијан Вигенин го потврди ставот. Кажа дека во наредните денови „ќе пукне следниот балон“ – темата Северна Македонија, која на најбрутален начин ја искористила „Има таков народ“ за да ги оправда своите „виорни движења“ во последните недели.
„Имаме доволно време да видиме дали е тоа добро за Бугарија, кои се следните чекори и да се изгради стратегија. Нема итност по ова прашање“, изјави Вигенин.
Во досегашната влада учествуваа ИТН, БСП, Продолжуваме со промените и Демократска Бугарија.
Премиерот Димитар Ковачевски и министерот за надворешни работи Бујар Османи денеска во изјави за медиумите по Преспа форумот рекоа дека и македонската страна треба да го прифати францускиот предлог за одблокирање на евроинтеграциите на Македонија од страна на Бугарија и да достави свои забелешки во Брисел. Но, засега тие не го добиле предлогот.фото 24 часа