ВИРУСОТ ГИ ТУРНА ЦЕНИТЕ - црнто злато станува се поевтино
Објавено во: Свет 28 Февруари, 2020
Цените на нафтата се под постојан притисок поради коронавирусот, кој предизвика повеќенеделно затварање на кинеските компании и ги принуди авиокомпаниите ширум светот да ги прекинат и откажат летовите.
Според познавачите, дури и ако Организацијата на земјите извознички на нафта (OPEK) го намали производството за дополнителни 600.000 барели на ден, цените на нафтата би можеле да останат слаби до април.
Канг Ву, висок аналитичар во компанијата S&P Global Platts, вели дека причината за нискитее цени на нафтата се што залихите се зголемуваат бидејќи побарувачката за нафта е намалена поради епидемијата на коронавирусот.
Сегашниот раст на резервите на нафта може во април да биде апсорбиран на пазарот, што значи дека цените би можеле да останат слаби во наредните два месеци пред да се искачат најмногу во текот на летото. Цената на фјучерсите на северноморската нафта „брент“ падна вчера на попладневното тргување во Азија за 1,16 проценти на 52,81 долари за барел, додека цената на американската лесна нафта WTI потона за 1,33 процент на 48,08 долари за барел.