Виткор Мизо: Инвестициите во Македонија допрва ќе се реализираат

Добивај вести на Viber

Директорот на ТИРЗ, Виктор Мизо за Фактор вели инвестиции дека во земјава има, но дека е регистриран и одлив на странски капитал, кога компаниите ќерки кои егзистираат овде, ги изнесуваат парите кон матичните фирми. Затоа, смета Мизо, салдото покажува ниски бројки, но реалните се многу поголеми. „Минатата година почнаа со работа фабриките Кемет, Технохозе, Протек фармација. Џонсон контролс во Штип, надвор од индустриските зони овде се компаниите Кромберг и Шуберт и Дрексел Маер. Така што од гледна точка на нови гринфилд инвестииц, минатата година беше успешна“, вели Мизо и додава дека сепак кај некои од отворените фабрики вложувањата допрва доаѓаат особено кога ќе се внесат машини во некоја фабрика, тогаш и сумата која ќе се евидентира ќе биде поголема, констатира Мизо. Инаку, Украина и Лондон се следните дестинации каде Македонија ќе ги претстави своите инвестициски потенцијали. Делегацијата ќе ја предводи министерот за финансии, Зоран Ставрески, а ќе го придружува и директорот на ТИРЗ Виктор Мизо. Ова е дел од патувачките шоу-а на кои Владата преку презентации за инвестициската клима во земјава се обидува да привлече странски инвеститори. Во обид да привлече инвестиции лани економските владини тимови не запреа со инвестициските роуд шоуа – Канада, Америка, Индија, Кина, Турција, Скандинавија, беа само дел од земјите кои ги посетија владини претставници.