ВЛАДАТА ЈА ОГРАНИЧИ МАРЖАТА ЗА УЧИЛИШЕН ПРИБОР - производите се продавале по двојно повисоки цени од увозните
Објавено во: Македонија 03 Септември, 2024
Владата донесе одлука за ограничување на маржата за училишниот прибор и тоа на 5 отсто за големопродажба и 10 отсто за малопродажба, информираше премиерот Христијан Мицкоски.
Како што истакна на денешната прес-конференција во Владата, ограничувањето на маржата е во рамките на кампањата „Помалку трошоци, повеќе за тебе! Се грижиме“, а одлуката е донесена на денешната седница на Владата.
Најави дека и понатаму ќе има ограничувања на маржите и профитот на поединци кои, како што кажа, генерираат профити и со тоа ја зголемуваат инфлацијата.
Прашан дали носењето на оваа мерка не требаше да се направи порано, рече дека не е задоцнето нејзиното носење и додаде дека ќе следат мерки за заштита на есенската и зимската кошничка
- Донесовме одлука која ќе доведе до подобрување на животниот стандард на граѓаните. На големо маржата ќе биде ограничена на 5 проценти, а на мало до 10 проценти. Анализиравме увозни царински декларации и цени во малопродажба и заклучивме дека многу производи се продаваат по двојно повисоки цени од увозните. На пример маркер се набавува по 60,1 денари, а се продава по 130 денари, на јаглен набавната цена е 68,6 денари, додека продажната 200 денари. Боиците имаат увозна цена од 69,5 денари, а се продаваат од 120-150 денари, кај моливите имаме набавни цени од 54,1 денари, а продажни по 120 денари. Со ова мерка на половина би се намалил трошокот кој го имаат граѓаните со почетокот на учебната година - рече Мицкоски.Фото: Принтскрин/Јутуб
Можеби ќе ве интересира
(ФОТО+ВИДЕО) ОБЛАЦИ ОД ЧАД: Пожар има во Расадник во Кисела Вода
(ФОТО) ИСЛАМ АБАЗИ ДОБИ ДОНАЦИЈА ОД АМБАСАДАТА НА САД: Ова е опремата која ќе ја користат
КАЈ „ЉУБЕН ЛАПЕ“ НЕМА СЕМАФОРИ, ЗАТОА ШТО МВР НЕ ДАЛО СОГЛАСНОСТ: Се огласија од ЈП „Улици и патишта“
ВМРО-ДПМНЕ: Бисера Антоанета купувала брендови во Саудиска Арабија со службени пари
„НЕМА ДА ПОПУШТАТ ДОДЕКА НЕ СЕ ИСПОЛНАТ БАРАЊАТА“: Дејановски од УПОЗ за штрајкот на вработените во МАНУ
ПОЛИЦИЈА ЌЕ СТОИ НА УЛИЦА ЗА УЧЕНИЦИТЕ ДА МОЖАТ ДА ПРЕМИНАТ УЛИЦА: Општина Ааеродром апелира до Град Скопје итно да постави соодветна сигнализација кај „Љубен Лапе“
