ВЉУБЕНИОТ ТРАМП И НАПИША НА МЕЛАНИЈА „ТЕ САКАМ“: Со вака порака ја почна донаторската кампања

Добивај вести на Viber

Доналд Трамп објави порака за собирање средства за неговата политичка кампања. Со оглед на тоа што денеска е Денот на вљубените, тој реши да и го посвети на сопругата Меланија, пренесува Гардијан.

Објавата гласеше: „Ова е писмо за Денот на вљубените од Доналд Џеј Трамп. Драга Меланија, те сакам! Дури и по сите обвиненија, апсења и лов на вештерки, никогаш не ме остави. Секогаш ме поддржуваше низ сето тоа. Без твое водство, добрина и топлина, не би бил човекот каков што сум денес. Ти секогаш ќе бидеш мојот свет, Меланија! Од твојот сакан сопруг, Доналд Џеј Трамп."

Но, под оваа порака имало три големи црвени копчиња на кои пишувало „испрати ја својата љубов“. Доколку корисникот кликнел на едно од нив, тоа го водело на страница каде што би можел да и испрати на Меланија „персонализирана порака“ доколку донира помеѓу 2.024 и 3.300 долари. Имаше и копче каде што корисниците можеа да внесат парична вредност по свој избор.

Меланија дури неодамна повторно се појави во јавноста со својот сопруг. Трамп неодамна изјави за Фокс њуз дека и неговата сопруга сака „да ја направи Америка повторно голема“ и дека ќе „игра важна улога“ во неговата претседателска кампања. „Мислам дека таа ќе биде многу активна“, рече тој.