ВМРО-ДПМНЕ: Адем Демачи нема никаква врска со Скопје
Објавено во: Македонија 12 Август, 2023
ВМРО-ДПМНЕ денеска реагира на вчерашното одбележување на преименувањето на улицата „Втора Македонска ударна бригада“ во „Адем Демачи“ во Чаир каде што гостуваше и косовскиот претседател Албин Курти.
Од опозициската партија реагираат дека преименувањето се случило пред две години од страна на Град Скопје без никаква дебата и консултација на граѓаните, а велат дека советот насилнички преименил скоро 500 улици и мостови и други објекти во главниот град.
„Улицата го добива името на Демачи, кој нема никакви допирни точки ниту со историјата на Македонија, ниту пак со Скопје, туку имал националистички идеали поврзани со други држави.
Оттука прашуваме дали советниците на СДС знаеле што гласаат во 2021 година во Советот?
Колку други спорни имиња на улици, мостови и булевари има во изгласаните измени на имиња на улици, мостови и булевари“, гласи реакцијата на ВМРО-ДПМНЕ.