ВМРО-ДПМНЕ: Ниту e разговарано за промена на химната, ниту во иднина ќе се разговара
Објавено во: Македонија 14 Февруари, 2025 15:57
Од ВМРО-ДПМНЕ велат дека ниту било разговарано за промена на химната, ниту во иднина ќе се разговара.
За промената на грбот веќе е потврдено дека ќе се менува.
„ДУИ матрицата на етнизирање на сите важни прашања и СДС пинг понг политиката треба да престане. Ниту некогаш било разговарано за промена на химната, ниту пак во иднина ќе се разговара. Граѓаните може да бидат спокојни. Времето на ДУИ и СДС на губење и порази на сите теми, со цел да се затскрие криминалот, помина“, велат од ВМРО-ДПМНЕ.
Министерот за здравство и еден од лидерите на Вреди, Арбен Таравари, претходно изјави дека е подготвен не само за грбот туку во пакет да се разговара за менување и на химната и на 20 отсто Албанци, но и за други нерешени етнички прашања. Неговиот став е дека во пакет треба да се решат овие прашања што останале нерешени во последните 30 години за да може да се посветиме на економијата, антикорупцијата и на евроинтеграциите. Изјавата СДСМ ја опиша како шокантна.
И Билал Касами од БЕСА е со ист став и вели дека треба да се смени химната, но и во Уставот да биде внесен албанскиот јазик.Можеби ќе ве интересира
ФАКТОР НА ДЕНОТ: Министерката за финансии негира затворање на Трезорот
Нема да се издаваат изводи, венчаници и други потврди - ќе има штрајк во Управата за водење на матични книги
Овој град од соседството е гастрономски рај со евтини цени: Еве каде Македонците јадат како локалци, а плаќаат помалку
Од фирма од Битола до невладина од Скопје: кој стои зад „Зимзоленд“
Апелација ја зголеми казната затвор за Васил Јованов на 13 години
Кривичен суд: Kaтица Јанева осум месеци на условен отпуст
Пријава против поранешниот градоначалник на Демир Капија за контаминирање вода за пиење
