Во авионската несреќа во Јужна Кореја загинаа 177 лица, но како преживеаја двајцата стујарди?

Добивај вести на Viber

Во падот на Боинг 737-800 на Jeju Air во Јужна Кореја загинаа 177 луѓе. Еден од двајцата преживеани во јужнокорејската авионска несреќа денеска изјави дека „веќе бил спасен кога се разбудил“. Сите останати патници и четворица други членови на екипажот загинаа. Второто лице кое ја преживеало несреќата е исто така член на екипажот.

Преживеаниот, 33-годишниот Ли, бил стјуард во авионот на „Џеџу Ер“ кој денеска слетал без тркала поради технички проблем и удрил во бетонски ѕид на меѓународниот аеродром Муан, објави новинската агенција Јонхап.

Прво бил префрлен во болница во блискиот град Мокпо, 311 километри јужно од Сеул, а подоцна во болница во Сеул.

„Кога се разбудив, веќе бев спасен“, им рекол Ли на лекарите во болницата. Лекарите велат дека тој е способен да комуницира и нема индикации за губење на меморијата. Ли е сместен на одделот за интензивна нега бидејќи има повеќекратни скршеници.

Другиот преживеан е стјуардесата Ко (25), која се лекува во медицинскиот центар Асан во Сеул и е во стабилна состојба и покрај повредите на главата и глуждот. Се верува дека двајцата преживеани биле добро во делот од самата опашка.

Точната причина за несреќата се уште е под истрага, а официјални лица од пожарникарите велат дека моментално се верува дека авионот, кој летал во неповолни временски услови, се судрил со јато птици, оштетувајќи ја опремата за слетување, јавува Би-Би-Си.

Видео снимката од локалната телевизиска станица МБЦ го покажува Боингот 737-8AS, кој почна да лета во 2009 година, според специјализираната веб-страница Flightradar, како слетува со чад што излегува од моторот.

Авионот удрил во ѕид на крајот од пистата и веднаш се запалил.

„Патниците беа исфрлени од авионот за време на судирот со ѕидот, оставајќи им мали шанси за преживување“, изјави претставник на пожарникарите за време на состанокот со семејствата на жртвите.