Во Хрватска 470.000 гласачи повеќе од возрасни државјани

Добивај вести на Viber

Во Хрватска сe намалува бројот на жители, бројот на родени деца и бројот на бракови - но се уште има прекумерен број гласачи, т.е ги има речиси 470.000 повеќе отколку што има возрасни лица, а ова е во пресрет на парламентарните избори во 2024 година, пишува Вечерњи.лист. 

Според последните податоци на Министерството за правда и администрација објавени во септември, во избирачкиот список на 30 јуни 2023 година има 3.645.340 гласачи со живеалиште во Хрватска и со хрватско државјанство.

И покрај тоа што според пописот од 2021 година, Хрватска имаше 3.871.833 жители, од кои 666.876 малолетни и 29.515 странци кои не можат да бидат гласачи, последните податоци од Министерството за администрација покажуваат дека таму има запишани 3.645.340 гласачи или 469.898 повеќе од полнолетни.

Дополнително, неодамнешната проценка на Државниот завод за статистика е дека Хрватска во средината на минатата година имала 23.340 жители помалку од пописот во 2021 година. Особено кога ќе се земе предвид дека меѓу повеќе од 46.000 граѓани кои емигрирале во 2022 година, над 70 отсто биле хрватски државјани, а меѓу речиси 58 илјади доселени лица, од кои 82 отсто се странци, јасно е дека реалниот број на гласачи во Хрватска денес може да биде само поголем од 470 илјади, пишува „Вечерњи лист“.